Jorbesbeavdeságastallan eamiálbmogiid, sámi áššiid ja ILO 169 birra
Galgá go Ruoŧŧa searvat ILO konvenšuvnna nr 169 eamiálbmogiid birra? Got galgá juohkit sámi luonddunávccaid boahtteáiggis? Leat go sámit vealahuvvon Ruoŧas otne? Sámi áššit ja vuoigatvuođaáššit galget digaštallojuvvot viiddes oaidninčiegas jorbesbeavdeságastallamis man Sámedikki válgalávdegoddi lágida Sámedikki rahpama oktavuođas 25 b.borgemánus 2009.
Moadde albma mearkkašahtti olbmo geat guhká leat bargan eamiálbmot áššiiguin náššuvnnalaš dásis oassálastet. Lea Victoria Tauli-Corpuz gii lea ságadoalli ON:a bistevaš forumis eamiálbmogiid várás ja Lee Swepton, ovddeš lahttu ILO eamiálbmotossodagas (geahčá dán guoktá CV:aid mat leat mildosin).
Eará oassálastit leat Lars Norberg, ruoŧa diplomáhta gii ovtta gaskka leai ságadoalli ruoŧa boazoguohtunkonvenšuvnna delegašuvnnas ja Mattias Åhrén, sámi álbmotvuoigatvuođajurista ja Sámiráđi ságadoalli. Jorbesbeavddis lea maid kulturbargi Rose-Marie Huuva gii guhká lea rahčan sámi olmmošlaš bázahasaid ruovttoluotta máhcaheami birra ja Helena Omma, Sáminuora ságadoalli.
- Mon jáhkán ahte dát digaštallan boahtá loktet dehálaš áššiid bajit dássái, lohká válgalávdegotti ságadoalli Börje Allas. Su doaivu lea ahte šaddá gelddolaš digaštallan.
Moderator jorbesbeavdeságastallamii lea Samuel Idivuoma. Jorbesbeavdeságastallan dollojuvvo Noaiddi lanjas Álbmut Viesus Gironis 25 b.borgemánus dii. 14-15.
Oktavuohta Börje Allas, válgalávdegotti ságadoalli, 070-308 15 18
Eará oassálastit leat Lars Norberg, ruoŧa diplomáhta gii ovtta gaskka leai ságadoalli ruoŧa boazoguohtunkonvenšuvnna delegašuvnnas ja Mattias Åhrén, sámi álbmotvuoigatvuođajurista ja Sámiráđi ságadoalli. Jorbesbeavddis lea maid kulturbargi Rose-Marie Huuva gii guhká lea rahčan sámi olmmošlaš bázahasaid ruovttoluotta máhcaheami birra ja Helena Omma, Sáminuora ságadoalli.
- Mon jáhkán ahte dát digaštallan boahtá loktet dehálaš áššiid bajit dássái, lohká válgalávdegotti ságadoalli Börje Allas. Su doaivu lea ahte šaddá gelddolaš digaštallan.
Moderator jorbesbeavdeságastallamii lea Samuel Idivuoma. Jorbesbeavdeságastallan dollojuvvo Noaiddi lanjas Álbmut Viesus Gironis 25 b.borgemánus dii. 14-15.
Oktavuohta Börje Allas, válgalávdegotti ságadoalli, 070-308 15 18
Visar sidorna 21 till 40 ( av 218 )
