Ulbmil

Davviprográmma bajemus ulbmil lea nannet prográmmaguovllu gilvonávccaid ja geasuheami.

Sápmi- prográmmaguvlui gullet:

• Lappi, Davvi- Österbottena ja gaska- Österbottena guovlu Suomas
• Nordlándda, Tromssa ja Finnmárkku, Davvi- ja Lulli- Tröndelága fylkkat ja oassi Hedmárkku fylkkagielddas (Elgå Boazoorohat) Norggas
• Norrbottena, Västerbottena ja Jïemten leana ja oassi Dalarna leanas (Eajra čearru) Ruoŧas.

Mii gáibiduvvo?

• Unnimusat guokte ohcci  
• Prošeakta galgá loktet lassiárvvu rádjeguovlluide
• Ohcamuš galgá čuovvut prográmma sisdoalu (struktuvrafoandaláhkaásahusaid, njuolggadusaid jna.)
• Prošeakta ii oaččo jorahit gilvvu goappáge guvlui – dat ferte čuovvut ng. stáhtadoarjjanjuolggadusaid
• Prošeakta ferte leat olggobeal dábálaš doaimma – dat galgá lokte árvvu juogamas
• Prošeavttas ferte leat profiila sámi giela ektui
• Mielruhtadeapmi galgá leat sajis

Ruhtadeapmi
INTERREG vuođđoprinsihppa lea searveruhtadeapmi. Almmolaš našuvnnalaš mielruhtadeapmin lohkko ruhta stáhta orgánain, gielddain ja eanadikkiin. Maiddái priváhta ruhtadeapmi lea vejolaš.

Pláne
Dii geat áigubehtet ohcat doarjaga fertebehtet plánet ja organiseret iežadet prošeavtta. Lea dehálaš guorahallat geat prošektii heiveše ovttasbargobeallin. Proseassa ulbmil lea oažžut sadjái čielga ja doaibmilis plána mas leat mihtidahtti ulbmilat.

Oza
Dat guhte ohcá galgá leat juridihkalaš persovdna – priváhta dahje almmolaš. Unnimusat guokte riikka prográmmaguovllus galget leat mielde prošeavttas. Davviprográmma atná buorren jus leat prošeaktabealit visot golmmá riikkas. Ohcamuš sáddejuvvo elektrovnnalaččat Davviprográmma ruovttusiiddus gos maid leat dieđut goas lea vejolaš ohcat.

Mii maŋŋel dáhpáhuvvá?
Maŋŋel go EU-ruhtadeami ja norgga Interreg-ruhtadeami ohcamuš  (jus leaš), lea sáddejuvvon de gieđahallá iešguđet čállingoddi dan. Dasto vuoruhit Davviprográmma guokte stivrenlávdegotti prošeavttaid iežaset stivrenjoavkočoahkkimiin. Goappáge prográmmaguvlui leat nammaduvvon guokte stivrenjoavkku, nubbi lea Davvi-prográmmaguovllu váste ja nubbi fas Sápmi- prográmmaguovllu váste,

Ruhtadanmearrádus
Stivrenlávdegottit árvvoštallet deavdá go prošeakta prográmmaulbmiliid ja vuoruhit dasto daid prošeavttaid mat galget oažžut EU-doarjaga ja norgga IR-ruđaid. Stivrenlávdegottit čoahkkinastet guktii jagis. Maŋŋel go stivrenlávdegottit lea rávven ruhtadit prošeavtta de dahká hálddašaneiseváldi (Norrbottena leana leanastivra) juridihkalaš ruhtadanmearrádusa EU-ruđaid birra.