Eanet ruhta Sámediggái ja sámi kultuvrii
Čakčabudjeahtta lea dál ovddiduvvon. Nu go diđiimet de lassána juolludus Sámediggái guvttiin miljovnnain ja doarjja sámi kultuvrii lassána miljovnna kruvnnuin.
Sámedikki juolludus lassána
2016 rájes lassána juolludus Sámediggái guvttiin miljovnna kruvnnuin. Kulturdepartemeanta čállá ahte ággan dán lasiheapmái lea dat eareliiggánis sajádat mii Sámedikkis ja sámiin lea servodagas, ja dat rievttit mat sámiin leat galget nannejuvvot.
Ráđđehus lasiha maiddái jahkásaš doarjaga sámi kultuvrii ovttain miljovnnain bistevaččat. Ulbmil dáinna lasihemiin lea addit Sámediggái buoret vejolašvuođa ovddidit ealli sámi kultuvrra ja láhčit buoret dili sámi dáidda- ja kultureallimii.
Garraseappot bargat rasismma ja vealaheami vuoste
Vealahanáittardeaddji (Diskrimineringsombudsmannen DO) oažžu 10 miljovnna kruvnno bistevaččat. Maiddái báikkálaš doaimmat vealaheami vuoste, nu gohčoduvvon vealahanvuosttildanguovddážat ožžot 2 miljovnna kruvnno bistevaš doarjjan.
Ráđđehus juolluda maid oktiibuot 20 miljovnna kruvnno njealji jagis nannet rasismma ja iežá vašuheami eastadeami ja vuosttaldeami.
