Dievasčoahkkin Árviesjávrries
Sámedikki álbmotválljen politihkkárat čoahkkanit Árviesjávrrái Hotell Laponias vahkku 22 doallat dievasčoahkkima. Sihke sámit ja báikki olbmot leat bures boahtin guldalit dievasčoahkkima. Sámediggi guossoha gáfe.
Sámedikki ságadoalli Stefan Mikaelsson lea válmmas dollet čoahkkinveahčira gihtii ja álggahit Sámedikki giđđadievasčoahkkima.
Stuorámus áššit dán háve leat §7 Budjeahtta, §8 Boazodoallopolitihkalaš doaibmaprográmma ja § 9 Sámedikki boahtteáiggi sámepolitihkka. Dáid áššiid ovdanbuktin lea muhtun muddui váikkuhus das go Riikkabeaivi cuoŋománu 8 b. hilggui mošuvnna dohkkehit ILO 169.
Dál čoahkkana vuot Sámedikki álbmotválljen parlameanta ja lea vejolaš čuoččáldahttit ealli debáhta sámi rivttiid birra. Dasa lassin galgá dievasčoahkkin gieđahallat ovcci mošuvnna.
- Šaddá gelddolaš oassálastit digaštallamis ”Boahtteáiggi sámepolitihka” birra dán riikkas gos láhkaaddi váldi nu čielgasit duššin dahká riikkaidgaskasaš olmmošvuoigatvuođaid álgoálbmogiid guovdu, oaivvilda Sámedikki ságadoalli Stefan Mikaelsson. Jus duođai lea nu ahte mii ieža leat áidna geat beroštit sámi boahtteáiggis, de galggalii álbmotválljen orgána oažžut stuorit saji ruoŧelaččaid láhkaaddi ektui, lohká Stefan Mikaelsson.
Dievasčoahkkin lea rabas buohkaide ja Stefan Mikaelsson sávvá sihke sámiide ja báikki olbmuide bures boahtin guldalit ságastallamiid mat álget disdaga miessemánu 26 b dii. 8.30:
- Sámediggi guossoha gáfe ja gáfenjálgáid!
Áššebáhpiriid gávnnat čoahkkinlanjas. Daid sáhtát maid viežžat dáppe: Plenum
