Statistihkka sámejienastuslohku
Ilmmuhusat sámejienastuslohkui lassánit juohke háve go leat válggat. Vuosttaš válggain 1993:s ledje 5 390 olbmo ilmmuhan iežaset jienastuslohkui. 2021 válggain ledje 9 226 olbmo jienastuslogus.
Sohkabealearut?
Sohkabeliid gaskka eai leat stuora erohusat. Jienastuslogus leat 2021 veaháš eanet nissonat go dievddu.
| Válgajahki | Ilmmuhuvvon olbmuid lohku | Nissonat | Dievddut |
| 1993 | 5390 | - | - |
| 1997 | 5991 | 2947 | 3044 |
| 2001 | 6724 | 3296 | 3428 |
| 2005 | 7180 | 3541 | 3639 |
| 2009 | 7812 | 3895 | 3917 |
| 2013 | 8322 | 4170 | 4152 |
| 2017 | 8 766 | 4 456 | 4 310 |
| 2021 | 9 226 | 4 747 | 4 479 |
(Fuom! 70-80 olbmo jápmet juohke jagi. Dušše olbmot badjel 18 jagi besset mielde jienastuslohkui.)
Gos orrot sámit?
45,2 % sis geat leat ilmmuhan dehe 4 149 olbmo orrot Norrbottena leanas. 22,6 % orrot Västerbottena leanas. Eanas sámit ásset guovtti nuorttamus leanas; 68 % visot sámiin jienastuslogus ásset dain leanain.
Stockholmma leanas leat 747 ilmmuhuvvon sápmelačča (8 % jienastuslogus). 588 ilmmuheaddji leat Jämtlándda leanas (6,4 %). Västernorrlándda leanas leat 229 ilmmuhuvvon sápmelačča mii lea 2,5 % sápmelaččain jienastuslogus. Västra Götalándda leanas orrot 229 sámi. Uppsala, Dalarna, Gävleborga ja Skåne leanain orrot 5 % sámiin geat leat ilmmuhan iežaset jienastuslohkui. Blekinges leat 10 sámi ilmmuhan jienastuslohkui. Dat mearkkaša ahte gávdnojit sámit miehtá Ruoŧa. 221 sámi jienastuslogus orrot olgoriikkas.
