Oahppolágideaddji 
Sáhtát oažžut oanehisáiggedoarjaga jus oassálasttát oanehisáiggegursses Ruoŧas:

• maid Sámi oahpahusguovddáš Jåhkåmåhkkes lágida
• maid álbmotallaskuvla dehe gieldda rávisolbmooahpahus lágida
• maid oahppolihtuid oahpahusrieggát lágidit

Doarjja lea dušše oanehis gurssiid várás. Gurse oažžu bistit eanemusat 14 beaivvi dehe 112 diimmu.

Gii sáhttá ohcat?
Eaktun lea ahte dus alddát dehe juoppá váhnemis, áhkuin dehe ádjáin lea leamaš sámegiella ruovttugiellan, dehe ahte don ieš dehe juobbá dehe goappaš váhnemat leaba čállon Sámedikki jienastuslohkui.

Ohcanáiggit 
Ohcamuš ferte ollen Sámediggái unnimusat (1) mánu ovdal go oahpahus álgá. Geassegurssiide galgá ohcamuš ollen Sámediggái maŋemusat miessemánu 15 beaivvi. Geassegursset galget leat álgán ja loahpahuvvon gaskal geassemánu - borgemánu.

Doarjaga birra
Ulbmil doarjagiin lea ahte sámit geat eai leat ožžon vejolašvuođa oahppat lohkat ja čállit sámegiela ožžot dan vejolašvuođa.

• Doarjja lea 99,53 ruvnnu diimmus (gursset maid čuovut 2018:s).
• Doarjagis it dárbbaš vearu máksit.
• Doarjja ii rehkenastojuvvo vuođđun luopmobálkái iige ealáhahkii.
• Sáhtát oažžut doarjaga govttolaš goluid ovddas, mátkkiid, biepmu ja orruma ovddas.
• Oahpaheaddji/gursejođiheaddji ii leat doarjjavuoigaduvvon.
• Mánát/skuvlaoahppit geat ain leat geatnegas skuvlaagis mas galgá oahppat čállit ja lohkat, eai leat doarjjavuoigaduvvon.
• Universitehtaoahppu ii leat doarjjavuoigaduvvon.
• Gurse/oahppu mii ii lágiduvvo Ruoŧas ii leat doarjjavuoigaduvvon.
• Doarjja addo dušše sápmelažžii guhte ássá Ruoŧas.

Got ohcá doarjaga?

1. Oza Mobiila Bank-ID:ain

              2. Viečča ohcanskovi dán siiddus, deavdde dan ja sádde Sámediggái, Box 90, 981 22 GIRON. Gurseduođaštus ja/dehe oahppolágideaddji gurseplána galgá čuovvut ohcamuša.

Máksin
Doarjja mákso maŋŋelgo leat gáibidan mávssu sierra rekvisišuvdnaskovis ja sierra mátkegolloskovis.

• Rekvisišuvdnaskovis galgá oahppolágideaddji duođaštit gursediimmuid, gursebeivviid ja álggahan- ja loahpahandáhtoniid.
• Rekvisišuvdnaskovis galgá oahppi muitalit lea go son ožžon iežá studiedoarjaga, doaibmadoarjaga dahje ovddidandoarjaga dahje lea go oahppoáigodagas ožžon buohccimávssu dahje doaibmamávssu.

Mátkegoluid skovvái galgá bidjat originála orrun - ja mátkegoluid guittiid.

FUOMÁŠ! Rekvisišuvdna- ja mátkegolloskovvi ferte leat ollen Sámediggái maŋemusat (1) mánu maŋŋel dan beaivvi mii doarjjamearrádusas leat biddjon gursse loahppabeaivin.

Jearaldagat?
Jus dus leat eambbo jearaldagat de sáhtát váldit oktavuođa čállingottiin, tel. 0980-780 30.