Doaibmadoarjja
Doaibmadoarjja mii ovddida sámekultuvrra sáhttá addojuvvot sámi servviide, organisašuvnnaide ja vuođđudusaide mat doibmet gustovaš kulturpolitihkalaš ulbmiliid mielde maid Sámediggi lea dohkkehan.
Ohcanáigi
Ohcamušat doaibmadoarjaga birra gieđahallojuvvojit oktii jagis. Ohcamuš galgá leat boahtan Sámedikki kulturráđđái maŋemusat 1 beaivvi skábmamánus.
Dát guoská visot ohcamušaide:
- Ohcamuš galgá dahkkojuvvot sierra skovis
- Politihkalaš bellodagat ja ovttastumit mat oassálastet sámediggeválggain dehe iežá almmolaš válggain eai mieđihuvvo doarjaga kulturráđis
- Sámedikki kulturráđđi ii juollut ruđaid maŋalgihtii
- Sámedikki kulturráđis lea njuolggus bidjat áššiid beavdái dan botta go vuordá ahte iežá ruhtadeapmi gieđahallojuvvo/geahččaluvvo
- Eahpedievalaš ohcamušat eai gieđahallojuvvo ja hilgujuvvojit ákkain váilevaš ohcamuš
Eavttut doaibmadoarjagii
Doaibmadoarjja sámi servviide ja sámi organisašuvnnaide mieđihuvvo jus dain leat eaktodáhtolaš ulbmil, leat doaimmalaččat Ruoŧas ja leat ásahuvvon sámiin sámiide. Dain galgá leat stivra, dohkkehuvvon njuolggadusat, rehketdoallu ja ruhtadoalli. Vuosttaš ohcamušdilis ja jus njuolggadusat rievdaduvvojit galgá searvi / organisašuvdna guođđit iežas njuolggadusaid ohcamuša oktavuođas.
- Jus galgá rehkenastojuvvot sámesearvin de gáibiduvvo ahte doaibma lea báikkálaš ja ahte miellahtut leat ovttaskas olbmot.
- Riikkaviidosaš organisašuvnnat galget doaibmadoarjjaohcamušain bidjat mielde doaibmaplána got sii barget sámi giellaovdánemiin.
- Sámi searvvit ja sámi organisašuvnnat galget doaibmadoarjjaohcamušain bidjat mielde dásseárvoplána eanet dásseárvvu várás sámi servodagas.
Eanet eavttut sáhttet leat dohkkehuvvon Sámedikki kulturpolitihkalaš doaibmaprográmmas.
Skovit
Skovit doaibmadoarjaga várás gávdnojit olgešspálttas.
Raporteren
Čilgehus dege raporteren got ruđat leat geavahuvvon galgá dahkkojuvvot sierra skovis.
Lehpet go ožžon doarjaga ovdal?
Organisašuvdna mii ovdal lea ožžon doaibmadoarjaga ferte guođđit ollislaš čielggadeapmi ovdalaš doarjagis ovdal go ođđa ohcamuš sáhttá geahččaluvvot. Doaibmačilgehus, ruhtadoalloloahpaheapmi ja ruhtadoallodárkkisteami cealkámuš buori ruhtadárkoma mielde galget leahkit ohcamuša mielde. Áššebáhpiriin ferte čielgasit boahtit ovdan got Sámedikki doarjja lea geavahuvvon.
