Ođđa sámi dutkanprográmma
Ráđđehus lea váldan mearrádusa ođđa oppalaš dutkanprográmma birra mii guoská sámi servodahkii dieđiha báikegoddedepartemeanta.
Geográfalaš biđggiideapmi, máhttováilevašvuođat ja stáhtus eamiálbmogin dagaha ahte ráđđehus oaidná dárbbašlažžan ásahit doaresdieđalaš sámi dutkanprográmma.
Buoret ovttasdoaibma
Prográmma ulbmil lea buoret ovttasdoaibma sámi guoskevaš dutkamis dutkkiid ja ruhtadeddjiid gaskal.
Máhttováilevašvuohta
Duogás mearrádussii lea earret eará ahte lea stuora máhttováilevašvuohta sámii ja sin eallindilálašvuođa birra Ruoŧas ja iežá riikkain Davviguovlluin. Sámiid bidggiideapmi máŋggain riikkain mearkkaša sihke sierralágán eallindilálašvuođat ja maid ahte máhttu sámiid birra lea bieđganan ja váttis gávdnat.
- Lea dehálaš oažžut johtui dutkanprográmma mii gokčá máŋggaid surggiid čohkkendihte sisa dieđuid ja dainnalágiin oažžut ollislaš gova, dadjá báikegoddeministar Eskil Erlandsson.
Ovttasdoaibma
Dutkanráđđi birrasa, areálalaš ealáhusaid ja servodatráhkadeami várás, Dieđalašráđđi ja Dutkanráđđi bargoeallima ja sosiáladiehtaga várás ožžot ovddasvástádusa ovttasdoaimmas hábmet prográmma.
