Čájáhus Guovdageainnus Johan Turi originálateavsttaiguin.
Johan Turi originála giehtačálus girjái "Muitalus sámiid birra" mii olggusaddojuvvui čuohti jagi áigi lea sámi kulturdávvir. Dal teavsttat čájehuvvojit Guovdageainnus.
Árvvolaš giehtáčálus
Originálagiehtačálus lea nu árvvolaš ahte ii mana dan veardidit ja dan dihte lea ge sierra konserváhtor mii ieš buktá dan kulturdávvira Stockholmmas Diehtosiidii Guovdageainnus. Sámi arkiiva lea beassan luoikat Johan Turi originála giehtačállosa Davviriikkalaš museas Stockholmmas Ruoŧas.
Ávvudanvahkku Guovdageainnus
Mánnodaga rájis 29 beaivvi skábmamánus gitta 3 beaivvi juovlamánus lea ávvudanvahkku Johan Turi “Muitalus sámiid birra” 100 jagi jođus Diehtosiiddas Guovdageainnus. Čájáhus Johan Turi teavsttaiguin lea oaidnimis olles juovlamánu. Earret giehtačálus gávdnojit maiddái dološ govat ja aviisačállosat.
Oktavuohta:
Lovisa M. Sjöberg
Vuosttaš konsuleanta, Sámi arkiiva
Tlf.: +47 78 44 85 64
E-boastá: lovsjo@arkivverket.no
