torsdag 28 mars 2024

Ráđđádallanortnet Sámedikkiin

Mii lea ráđđádallanortnet? Ráđđádallanortnet lea ođđa láhka mii boahtá fápmui njukčamánu 1 beaivvi 2022. Njukčamánu 1 beaivvi 2024 boahtá láhkii rievdadus mii mielddisbuktá ahte maiddái regiovnnat ja gielddat čatnasit ráđđádallanortnegii. Dás sáhtát lohkat eambbo got ráđđádallan Sámedikkiin galgá čađahuvvot.

Lága ulbmil

Ulbmil lágain lea sihkkarastit sámiid rievtti oassálastit mearrádusproseassain visot dásiin servodagas, ja sihkkarastit sámiid rievtti mielváikkuheapmái áššiin mat sidjiide gusket.

Ráđđádallanriekti buorida sámiid vejolašvuođa juogadit iežaset máhtu ja čájehit got mearrádusat sáhttet váikkuhit sámiide. Ráđđádallamat sáhttet veahkkin buoridit mearrádusvuođuid ja čájehit makkár doaimmahanvejolašvuođat gávdnojit.

Dá lea filbma ráđđádallanortnega birra Staare gielddas

Goas galgá dollot ráđđádallan?

Ráđđádallangeatnegasvuohta gusto dakkár mearrádusain mat sáhttet njuolgga váikkuhit sámiid giela, kultuvrra, ealáhusaid dahje sajádaga álgoálbmogin. Ráđđádallamat dollojit dušše dalle go dilálašvuohta váikkuha sámiide dakkár málliin mii spiehkasta iežá olbmuin.

Ráđđádallangáibádus sáhttá ovddiduvvot maŋŋelgo eiseváldi, gielda ja regiovdna lea almmuhan ášši sámi ovddasteaddjái ja jearran gáibiduvvo go ráđđádallan, muhto sámi ovddasteaddji sáhttá maiddái gáibidit ráđđádallama.

Geat leat geatnegasat ráđđádallat? Loga eanet

Sámedikki álbmotválljenoassi ovddasta sámi álbmoga. Sámediggi ovddasta danin sámiid oppalaš beroštumiid ráđđádallamiin. Sámediggi galgá álo oažžut fálaldaga oassálastit ráđđádallamiin dakkár áššiin main sáhttá leat eareliiggánis stuora beroštupmi sámiide.

Čearuin galgá ráđđádallat jus ášši sáhttá oažžut stuora mearkkašumi čerrui, ja jus dasa lea ágga. Čearuid oktavuođadieđut

Sámi organisašuvnnain lea riekti beassat ráđđádallat. Sierra sámi organisašuvnnat gozihit sámi beroštumiid ja dat leat sámi álbmoga ovddasteaddjin dain áššiin maid dat čuvvot ja gozihit. Vuolggasadjin lea ahte jus ášši sáhttá oažžut eareliiggánis mearkkašumi organisašuvdnii sin njuolggadusaid ja ulbmiliid ektui.

Got dáhpáhuvvá ráđđádallan? Loga eanet

Goas loahpahuvvo ráđđádallan? Loga eanet

Bagadus

Sámediggi lea ráhkadan bagadusa eiseválddiide. Dan gávnnat olgešbealde. Bagadus gielddaide ja regiovnnaide almmuhuvvo álgogeažes 2024.

Makkár váikkuhusat šaddet?

Lea diehttelasat váttis einnostit maid ráđđádallanortnet boahtá mielddisbuktit daningo dat lea áibbas ođđa láhka. Dát boahtá čielgat dađistaga go čoahkkinastit (go Sámediggi ja iežá stáhtalaš eiseválddit ja iežá sámi áššebealit). Dáinna lágiin hukset mii máhttobáŋku ja dieđuid mat dahket álkibun doaimmahit ovttaskas gieđahallama dain áššiin mat dása gusket.

 

Oktavuohta:

 

Jearaldagat mat gusket ráđđádallanprosessii:

Ulrika Hannu, gelbbolaš guorahalli
ulrika.hannu@sametinget.se

Juridihkalaš jearaldagat:

Nadja Åstot, jurista
nadja.astot@sametinget.se

Ellen Blind, jurista
ellen.blind@sametinget.se

Doaibmajearaldagat, omd. mat gusket biras- ja servodaplánemii:

sebrudak@sametinget.se

 

 

Visar sidorna 1 till 20 ( av 25 )
«12»
© Sametinget 2024
Uppdaterad: 2024-01-10

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

VISSELBLÅSARFUNKTION

E-FAKTURA

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90
981 22 GIRON / KIRUNA

Vid rekommenderad post använd adressen ovan!

Besöksadress: Adolf Hedinsvägen 58
Tel. 0980-780 30
E-post: kansli@sametinget.se
Org.nummer: 202100-4573

Kontaktformulär 
Så här behandlar vi dina personuppgifter

Tillgänglighetsredogörelse

Öppettider:
Mån-Fre 08.30-12.00, 13.00-15.00
Kring storhelger och under sommaren:
Mån-Fre 08.30-12.00

MenySametinget
MenySametinget
På www.samediggi.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?