torsdag 28 mars 2024

Ministtar digitála guossin demokratiija ávvudeamis

Kultur- ja demokratiijaministtar Amanda Lind lei disdaga digitála guossis Sámedikkis demokratiija 100-jagi ávvudeami oktavuođas. Sámedikki demokratiijabargu lea hui dehálaš, logai Amanda Lind.

Kultur- ja demokratiijaministtar Amanda Lind lea leamaš Sámedikkis digitála guossemátkkis demokratiija 100-jagi ávvudeami oktavuođas. Son čalmmustahtii Sámedikki barggu demokratiijain ja demokratiijabargogohččosa maid Sámediggi lea ožžon Kulturdepartemeanttas jagiid 2020-2021.

- Lea álo miellagiddevaš deaivvadit ja oahppat oassebeliin geat leat njunnožis ja movttiidahttet iežáid dahkat buori demokratiijanannejeaddji barggu, lohká kultur- ja demokratiijaministtar Amanda Lind preassadieđáhusas maid ráđđehus almmuhit iežas ruovttusiiddus.

Čoahkkimii serve kulturdepartemeantta ovddasteaddjit ja stáhtaráđi politihkalaš áššedovdi Anders Lindell. Sámedikki bealis oassálasttiiga Elle Eriksson ja Johannes Rimpi-Heinonen geat leaba mielde demokratiijabargojoavkkus. Mielde lei maid stivraságadoalli Per-Olof Nutti gii lea mielde stivrenjoavkkus, ja prošeavtta jođiheaddji, Ylva Holmberg.

Ylva muitalii daid diehtojuohkináŋgiruššamiid birra mat leat dahkkon 2020-2021. Dat lea eanas dáhpáhuvvan digitálalaččat, muhto muhtun oassi lea maid deaddiluvvon hámis, ee. lea prošeavttas almmuhuvvon gihpa nuorra sámiide mas fuomášuhttit demokratiija, álgoálbmotrievtti ja olmmošvuoigatvuođaid. 

- Jurdda lea ahte magasiidna galgá lágiduvvot nuoraide jienastuslogus ovdal sámediggeválggaid.

Per-Olof Nutti muitalii manin nuoraid oassálastin lea nu dehálaš Sámediggái, muhto son namuhii maiddái demokratiijabarggu man sámi siviilaservodat lea doaimmahan nu guhká.

- Lea dehálaš ahte nuorat ožžot máhtuid ja návccaid oassálastit demokratiijas. Lea hui dehálaš nuoraid jođánit fátmmastit čearuid, organisašuvnnaid ja ealáhusaid bargguide, lohká Per-Olof Nutti gii atná ahte jus dan ii daga, de sáhttá dagahit demokráhtalaš olggušteamis. Lea maiddái mávssolaš bargat rájiid rastá. Sámi mis eai leat riikkarájit – mii leat okta álbmot.

Nuoraidráđi ovddasteaddjit muitaledje demokratiijaoassálastima ja nuoraidráđi barggu birra oažžut eanet váikkuhanválddi ja mielmearrideami nuorra sámiide. Sii sávvet maiddái ahte dieđut got jienasta sámediggeválggain lassánivčče.

- Mii geahččalit ee. geavahit sosiála mediaid olahit nuoraid, muitalii Johannes Rimpi-Heinonen.

Amanda Lind jearahalai nuoraidperspektiivva das ahte makkár vejolašvuohta nuorra sámiin lea oassálastit, ja deattuhii man dehálaš lea ahte sámit oassálastet iešguđet servodatdásiin.

- Mis lea nubbi juolgi sámi servodagas, ja nubbi ges ruoŧa servodagas ja dat leat oktiičadnon. Jus lea vuos álgán bargat sámepolitihkas, de soaitá lea álkit váikkuhit maiddái ruoŧa politihkkii, oaivvildii Elle Eriksson, guhte maiddái cuigii ahte váilevaš vuođut sáhttet dagahit váttisin fuomášit politihkkenvejolašvuođaid.  

Čoahkkimis lei olu sáhka demokratiijabarggu birra historjjálaš oktavuođain. Ee. váldui duohtavuođakommišuvdna ovdan ja ahte lea 100 jagi áigi go nállebiologalaš instituhtta mearriduvvui ásahuvvot. Maiddái rasisma ja vealaheapmi sámiid vuostá váldui ovdan – mii eareliiggánit sáhttá váikkuhit nuorra sámiid demokratiijaoassálastimii.

Per-Olof Nutti loktii stivrra oaiviliid resurssaid birra maid Sámediggi oažžu juolluduvvot.

- Eanet resurssaiguin sáhtálii Sámediggi ja bellodatbargu buorebut ovdánit, logai stivraságadoalli. Mis leat ilá unnán resurssat čájehit min bargguid.

© Sametinget 2024
Uppdaterad: 2021-03-19

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

VISSELBLÅSARFUNKTION

E-FAKTURA

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90
981 22 GIRON / KIRUNA

Vid rekommenderad post använd adressen ovan!

Besöksadress: Adolf Hedinsvägen 58
Tel. 0980-780 30
E-post: kansli@sametinget.se
Org.nummer: 202100-4573

Kontaktformulär 
Så här behandlar vi dina personuppgifter

Tillgänglighetsredogörelse

Öppettider:
Mån-Fre 08.30-12.00, 13.00-15.00
Kring storhelger och under sommaren:
Mån-Fre 08.30-12.00

MenySametinget
MenySametinget
På www.samediggi.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?