Ráđđádallanortnet boađi boađi
Ráđđehus lea juovlamánu 17 beaivvi 2020 mearridan ovddidit proposišuvnna mas evttoha ođđa ráđđádallanlága dakkár áššiin main sáhttá leat stuora mearkkašupmi sámi álbmogii.
Dát evttohus mearkkaša ahte ráđđehus, stáhta hálddašaneiseválddit, regiovnnat ja gielddat šaddet geatnegasat ráđđádallat sámiiguin dakkár áššiin main lea eareliiggánis mearkkašupmi sidjiide. Ulbmil ráđđádallamiiguin lea ovddidit sámi álbmoga váikkuhanválddi iežaset áššiin.
- Ráđđádallanortnet nanne sámi álbmoga rivttiid beassat ovddidit iežaset oainnu, ja dat lea lávki ovddos sámiid váikkuhanválddi ja oassálastima nannemis sámiide guoskevaš áššiin, lohká kultur- ja demokratiijaministtar Amanda Lind.
Ráđđehusas leat maŋemus jagiid leamaš stuora áigumušat sámi áššiid ektui. Gulahallan Sámedikkiin lea eaktun ja vuođđun sámepolitihka hábmenbarggus. Gulaskuddanvástádusat láhkaevttohussii leat gieđahallon Ráđđehushálddahusas, ja barggu vuolde lea evttohus sajustuvvon Sámedikkis,
- Ráđđádallanortnet lea govttolaš evttohus mii lokte gulahallama ja čielggasindahká got ráđđádallamat galget čađahuvvot, ja dat lea buohkaide ávkin, joatká kultur- ja demokratiijaministtar Amanda Lind.
Ođđa láhka evttohuvvo boahtit fápmui suoidnemánu 1 beaivvi 2021, ja dat ii boađe heivehuvvot áššiide mat leat vuolggahuvvon ovdal dan beaivvi. Duopmostuolut ja muhtun hálddašaneiseválddit leat evttohusas luvvejuvvon ráđđádallangeatnegasvuođas. Dat guoská maiddái muhtun áššešlájaide ja muhtun sierra dilálašvuođaide.
