Sámediggelága rievdadusat buktet maid vissis rievdadusaid Sámedikki organisašuvdnii. Sámedikki organisašuvdna galgá čuovvut sámediggelága ja eiseváldebagadusa. Sámedikki dievasčoahkkin galgá ain leat bajemus mearrideaddji orgána. Dievasčoahkkin berre mearridit bargoortnega ja stivra ges doaibmaplána. Sámedikkis galgá leat hálddahus man hálddahushoavda jođiha, ja lea stivra mii virgáda hálddahushoavdda. Sámedikki stivrras lea ovddasvástádus Sámedikki doaimmas, ja hálddahushoavda galgá fuolahit beaivválaš doaimmaid daid direktiivvaid ja njuolggadusaid mielde maid stivra mearrida.

Sámedikki dievasčoahkkimis lea dál vuoigatvuohta mearridit lahtuid ja várrelahtuid ekonomalaš buriid birra. Makkár buorit dahje guoskevaš buriid eavttut eai reglerejuvvo bienastat bitnii

Sámediggelágas leat muhtun ođđa mearrádusat, omd. Sámedikki čoahkkimiid almmolašvuođa birra, ja dan ahte čoahkkinságadoallis dahje åvtehkes lea ovddasvástádus doallat ortnega dievasčoahkkimis ja sus lea riekti gohččut olbmuid guođđit čoahkkinlanja jus vurjet eai ge jeagat heaitit vuorjamis. Stivračoahkkimat ja Sámedikki lávdegoddečoahkkimat leat gitta uvssaid duohken jus dievasčoahkkin ii mearrit iežá.

Dál sihkkojuvvo gáibádus ahte galgá leat Ruoŧa stáhtalahttun jus galgá leat válljengelbbolaš Sámediggái. Válljejeaddji gean válgabargi ii dovdda, galgá sáhtit nannet iežas identitehta maiddái iežáládje go legitimašuvnna bokte. Maiddái ovddeš gielddus das ahte válljejeaddji beallelaš dahje mánát eai galgga sáhttit vihtanuššat reivejiena, sihkkojuvvo.

Ráđđehus evttoha maiddái sierra lága sihkavuođadárkkisteami birra Sámedikki almmolaš čoahkkimiid oktavuođas. Ortnetvávttaid sáhttá dál gohččut doallat sihkarvuođadárkkisteami maiddái Sámedikkis.

Riikabeaivi lea dohkkehan ráđđehusa evttohusa. Láhkarievdadusat bohtet fápmui suoidnemánu 1 beaivvi 2019.