1920-logus barggai museas (Norrlándda kulturhistorjjálaš museas) intendeanta gean namma lei Axel Calleberg. Son lei Ruoŧa riikkabeaivvi bargi, ja sus lei sierra ovddasvástádus sámi kulturáššiide. Son osttii sámi visttiid ja ceggii daid olgomuseai. 1922:s sirdui vuovdesámi goahti Málagis Hïernesaandii, ja dál 2017:s galgá dat fas máhcahuvvot dohko gosa dat álgoálggus lea leamaš huksejuvvon.

Máhcaheami oktavuođas lágiduvvui sámi fáddábeaivi Murbergetis. Bisma Eva Nordung Byström muitalii vilgesgirjji birra. Vilgesgirji lea oassin girku soabadanprošeavttas mii váldá ovdan daid vearredaguid maid sámit leat šaddan gillát girku geažil. Boazosápmelaš Jörgen Stenberg ges čilgii vuovdesámivisttiid birra mat leat museas ja vuovdesámiid kultuvrra birra, ja got vuovdesámiid huksenvierut leat leamaš. Son galgá maiddái juoigat goađi máhcahandilálašvuođas go dat buktojuvvo ruovttoluotta Málágii.

Boahtte geasi  galgá Jörgen Stenberg ja Málága sámi searvi  dimbarastit ođđa goađi boares goahtesadjái.