Sámedikki bušeahtta 2017
Sámedikki 2017 bušehttii šattai stuora fuomášupmi go bušeahttaproposišuvdna biddjui ovdan. Dattege ii leat áibbas riekta ahte juolludus boazodoalu ovddideapmái lea unnon. Dás lea baicca sáhka sierra ruđain mat leat mearriáigái ja mat eai šat biddjo dán juolludussii. Olles submi lea danin unnon 8 miljovnnain. Muhto de lea ráđđehus lasihan juolludussii 5 miljovnna kruvnno mainna galgá eastadit ja buhtadit meahcieallivahágiid.
Álggos orru dego ahte ráđđehus livččii unnidan juolludusa 1:22 boazodoalu ovdánahttimii 1 miljovnna kruvnnuin, ja bidjan 800 000 kr hálddahussii baicca. Muhto ii leat jur nu eaŋkilis rehket go ráđđehus ovddida ođđa bušeahta.
Ovdánahttinjuolludusa mii lea lassánan 5 miljovnnain ferte veardidit dan 8 miljovdnasaš unnideami ektui mas álggos lei sáhka. 2011-2016 gaskka oaččui Sámediggi 8 miljovnna ”liige juolludussan” ođđa boazoguohtunkonvenšuvnna goluide (gaikut ja hukset áiddiid ja rusttegiid), ja vel eastadandoaimmaid guorahallamii bohccuid suodjaleami várás. Bierdnadutkanprošeavtta golut eai boađe loaktit ovdánahttinjuolludusa jagi 2017 rájes.
|
1:22 Boazoealáhusa ovdánahttin j. ea |
Kruvnnot (dkr) |
|
Bušeahtta 2016: |
107 915 |
|
Overheadgolut 2017: |
-1 000 |
|
Sirdin 1:7:s fuođđovahágiid buhtadus 2017: |
5 000 |
|
Dieđihuvvon unnudeapmi |
-8 000 |
|
Submi Bušeahtta 2017: |
103 915 |
Sámediggi oažžu 800 000 kr eambbo hálddašangoluide, nu gohčoduvvon overhead-goluide.
- Lea buorre ahte overheadgolut dahje hálddahusgolut, nugo ovdamearkka dihte IT-doaibmagolut eai šat loavtte ovdánahttinjuolludusa, muhto ahte biddjojit dohko gosa rievtti mielde gullet, čilge Sámedikki ekonomiijahoavda Malin Mäkelä. Juolludus Boazoealáhusa ovdánahttimii galgá mannat daidda goluide maidda lea jurddašuvvon.
Sámediggi oažžu vel liigejuolludusa válgagoluide 2017 sámediggeválggaid oktavuođas; válgaboastagoluide, válgabargiid oahpaheapmái, bellodagaid válgakampánjjaide, válgačađaheapmái jna. Dása juolluda ráđđehus 3 miljovnna kr. Dat lea nappo mearriáigeruđat dušše sámediggeválggaid goluid várás.
|
3:1 Sámediggi |
Kruvnnot (dkr) |
|
Bušeahtta 2016: |
40 897 |
|
Indexheiveheapmi 2017: |
758 |
|
Sámediggeválggat 2017: |
3 000 |
|
Overheadgolut 2017: |
800 |
|
Našuvnnalaš infrastruktuvra: |
-251 |
|
Heiveheapmi bajás: |
39 |
|
Submi Bušeahtta 2017: |
45 243 |
