Eambbo oahpponeavvut našuvnnalaš unnitlogugielaide
Skuvladoaimmahat galgá ráhkadišgoahtit našuvnnalaš unnitlogugielaid gurseplánaid ja doarjut girjjiid ja oahpponeavvuid ráhkadeami unnitlogugielaide.
Gurseplánat
Stáhta skuvladoaimmahat galgá ráhkadit gurseplánaevttohusaid vuođđoskuvlii, vuođđosierraskuvlii, sierraskuvlii ja sámeskuvlii našuvnnalaš unnitlogu eatnigielfágii suomagielas, romani chibas, meänkielis ja jiddischgielas, sihke vuosttaš- ja nubbingiellan. Skuvladoaimmahat galgá maiddái hábmet máhttogáibádusaid A, C ja E árvosániide.
Girjjiid ja oahppaneavvuid ráhkadeapmi
Skuvladoaimmahat galgá maiddái doarjut girjjiid ja oahppaneavvuid ráhkadeami unnitlogugielaid easkkaálgi dásis. Dain oahpponeavvuin mat ráhkaduvvojit galgá leat dieđalaš vuođđu, ja dat galget adnot vuođđoskuvllas ja dakkár skuvlejumi oahpahusas. Skuvladoaimmahat galgá vuoruhit ruđaid juohkima iešguđet gielaide, ja vuoruheapmi galgá dahkkot iešguđet gielaid dárbbuid vuođul.