Báikegoddeprográmma

Jus hálidat álggahit boazodoallofitnodaga dahje iežá sámi fitnodaga, de sáhtát ohcat

• álggahandoarjaga

Jus hálidat ovdánahttit fitnodaga mii juo gávdno, de sáhtát ohcat

• investerendoarjaga doarjaga
oastit olgguldas bálvalusaid

Jus dárbbašat vázzit gurssse dahje iežá oahpu, de sáhtát ohcat

• gelbbolašvuođaovdáneami

Jus hálidat jođihit báikegoddeovdánahtti prošeavtta dahje ovttasbargoprošeavtta ovttas iežáiguin, de sáhtát ohcat

• prošeaktadoarjaga

Jus hálidat hoaitit báikegoddeelemeanttaid boazodoalloguovllus, de sáhtát ohcat

• birasbuhtadusa luondo- ja kulturbirrasiidda boazodoalloguovllus

Ollislaš ulbmil
Báikegoddeprográmma doaibmabidjosat ruhtaduvvojit sihke EO:a bokte ja náššuvnnalaččat. Progámmaáigodagas geavahuvvojit oktiibuot 35 miljárda ruvnnu. Ollislaš ulbmil báikegoddeprográmmii lea seamme dego ruoŧa báikegoddepolitihkii, namalassii ovddidit ekonomalaš, ekologalaš ja sosiálalaš bistevaš ovdáneami báikegottis. Dát ulbmil siskkilda bistevaš buvttadeami borramušain, barggaheami báikegottis, vuhtiiváldin guovlluguovdasaš eavttuin ja bistevaš šaddama. Eanadaga luondo- ja kulturárvvut galget gáhttejuvvot ja negatiivvalaš birasváikkuheapmi galgá unnot.

Sámediggi doarjjaeiseváldi
EO:a ruhtada sullii beali báikegoddeprográmmas ja juohke ovttaskas miellahttoriika nuppi beali. Eanandoallodoaimmahat lea hálddahuseiseváldi prográmmii ođđajagimánu rájis 2007. Leanastivrrat ja Sámediggi leat doarjjaeiseválddit mat gieđahallet áššiid mat leat sisa boahtán ja mearridit áššiin. Sámi prošeaktaoamasteaddjit ja fitnodagat galget váldit oktavuođa Sámedikkiin. Jeavddalaš diehtojuohkima báikegoddeprográmma birra sáhtát oažžut jus diŋgot Eanandoallodoaimmahaga ođasreivve sin ruoktosiiddu čađa.

Sámedikki čađahanstrategiija
Sámedikkis lea čađahanstrategiija dasa got fitnodat- ja prošeaktadoarjagiid, doarjagiid gelbbolašvuođaovdáneapmái ja válljejuvvon birrasii galget juhkojuvvoit vai buoremus váikkuhus joksojuvvo. Vuođđun strategiijái lea ealáhuspolitihkalaš doaibmaprográmma mii lea válbmejuvvon ovttasráđiid sámi fitnodateallimiin, idealaš organisašuvnnaigun j.n.a. ja dohkkehuvvon dievasčoahkkimis. Ohcamušat vuoruhuvvojit dan jelgii got dat veahkehit čađahanstrategiija ulbmiliid joksat.