Doarjja Davviriikkalaš Ministarráđi kultur- ja dáiddaprográmma bakte

Kultuvra- ja dáiddaprográmma lea oaivvilduvvon kulturfuolaheddjiide ja dáiddariidda buot kultuvra- ja dáiddasurggiin. Kvalitehta ja ođđa jurddašanmálle leat dehálaš kriteriat go doarjagat juhkojuvvojit.

Ovttasbargoprošeavttat vuoruhuvvojit
Ohcamušaid gaskkas amateavra ja ektodáhtolaš bealis vuoruhuvvojit prošeavttat mat čađahuvvojit ovttasbarggus gaskal ámmmátlaš dáiddariid ja kulturfuolaheddjiid. Prošeavttain berrejit leahkit oasseváldit unnimusat guovtti davviriikkain dehe iešstivrejeaddji guovlluin, dat mearkkaša Suopma, Ruoŧŧa, Danmárku, Norga, Islánda, Kalaallit Nunaat, Fearsullot dehe Ålánda.

Juhkojuvvon prográmma
Prográmma lea guovtti oasis. Okta oassi doarju buvttadanoaivvilduvvon doaimma ja nubbi oassi doarju gelbbolašvuođa ovdáneami ovdamearkka dihte gurssat, seminárat dehe workshop. 

Doarjja addojuvvo dušše áigeráddjejuvvon prošeavttaide, ii dábálaš doibmii.

Kulturkontakt Nord Helssegis hálddašeaddji
Prográmma hálddašuvvo Davviriikkalaš Ministarráđi institušuvnnas Kulturkontakt Nord i Helsingfors. Leat guokte ohcamušvuorut jagis, okta giđđat ja nubbi čakčat.

Ohcamuša galgá sáddet elektronalaččat Kulturkontakt Nordii. Áigemearit ohcamušvuoruide, prográmma kriteriat ja iežá diehtojuohkin gávnnat ruovttusiiddus: www.kulturkontaktnord.org