Gïelejarnge Staaresne - Dearnesne

Saemien gïelejarnge lea Dearnesne jïh Staaresne. Gïelejarngen barkijh Staaresne leah Saemiedigkien tjiehtjelisnie dennie Gaaltijen laptesne, Köpmansgatan 58 jïh Dearnesne Västra strandvägen 11.

Gaajhkh smaaresh
Gïelejarnge edtja gaajhkh saemiej - gåabpegh noeri jïh geerve almetji – sijjen daerpiesvoetide jijtje gïelem råaptede vaeltedh. Saemien gïeline lea gaajhkh smaaresh dennie gïelesne dan Sveerjen Saepmie-dajvesne.

Jienebh provhkemh
Gïelejarnge edtja:
• Eadtjohke-laakan eevtiedidh jïh skreejrehtidh jienebh provhkemh saemien gïelese siebredahkesne
• Maahtoem vuaptastehtedh
• Öövtiedidh vuekieh juktie aajnealmetji nuepieh nännoestidh sijjen saemien gïelem utnedh jïh råaptede dam vaeltedh
• Maahtoeh jealadehtemi bïjre bïeljelidh

Öörnemh maanide jïh noeride edtjieh joekoen-laakan åvte-mieresne årrodh.

Daerpiesvoetijste barkedh
Gïelejarngen barkoe edtja saemiej jealadehtemen daerpiesvoeti gaavhtan årrodh jïh mijjieh edtjebe dan dïete jeatjah saemiej institusjovni- jïh åårganisasjovnigujmie barkedh ihke ektie-öörnedh, lissiehdidh jïh radtjoeslaakan barkoem öörnedh dejnie saemiej gïeli jealadehtemigujmie.

Vïhtesjimmie
Orre vuekieh mah leah stealladamme edtjieh vïhtesjamme sjïdtedh jïh daajroeh dej bïjre edtja bïeljielidh.

Gaskese
Gaskesadth mijjem ihke digkiedidh, övtiedidh åssjalommesh jïh vuekieh! E-påaste gïelejarngese: gielejarnge@sametinget.se

Barkijh Staaresne:
Inga Marja Steinfjell, barkoeåejvie
Sylvia Sparrock, gïelekonsuvlente David Jonasson, gïelekonsuvlente, raajeste mïetsken 1b.

Barkijh Dearnesne:
Ingegerd Vannar, gïelekonsuvlente, barka 50% 3/5-25/6, dan minngelen 100%.
Henrik Barruk, gïelekonsuvlente, barka 50% 1/6-30/6, dan minngelen 100%.