Nuoraidráđđi

Oktavuohta: Jus háledat oažžut oktavuođa nuoraidráđiin, sádde e-boastta čuovvovaš čujuhussii: sur(at)sametinget.se

Doaibmaplána
Miessemánus 2006 nammaduvvui gaskaboddosaš nuoraidpolitihkalaš lávdegotti mii hábmii nuoraidpolitihkalaš doaibmaplána. Geahča fiila olgešspálttas

Nuoraidráđđi nammaduvvui
Boađus dan barggus leai ahte bistevaš nuoraidráđđi ásahuvvui. Nuoraidráđis leat vihtta lahtu ja várrelahtu. Golmmas leat nammaduvvon Sámedikkis ja guovttis Sáminuoras. Lahtuid ahki lea gaskal 14 ja 30 jagi. Mandáhtaáigodat lea guokte jagi. Čuovvovaš olbmot leat válljejuvvon nuoraidráđđái 2009:

1. Paulus Kuoljok, ságadoalli
2. Tua Rydberg
3. Helena Partapuoli
4. Jon Rupertsson
5. Paul Ol Jona Utsi

Várrelahtut leat Lars Thomas Mangi, Felicia Lövgren, Klemet Klemetsson ja Anna Maria Fjellström. Okta sadji lea guorus ja Sámediggestivra lea ožžon bargogohččosa gávdnat dasa olbmo.

Miettebiegga nuoraidáššiin
Norgga bealde gávdno seammasullásaš orgána: Sámedikki nuoraidpolitihkalaš lávdegoddi, SUPU. Nuoraidáššit leat vuoruhuvvon suorgi ovttasbargoorgánas Sámi Parlamentáralaš Ráđis, SPR.

Nuoraidkonferánsa
SPR:a vuosttaš nuoraidkonferánsa dollojuvvui Avágis Norggas skábmamánus 2004. Nubbi rádjekeahtes nuoraidkonferánsa dollojuvvui Likšus 2-5 b.golggotmánus 2008 (Jus háledat lohkat eanet dan birra, deaddil liŋkái olgešspálttas).

Movttegis ságadoalli
Paulus Kuoljok lea ságadoalli ja son lea hui movttet doaimmain.
- Mon lean álo háledan bargat nuoraidpolitihkain, dadjá son. Valáštallanáššit lea nubbi suorgi mii ii vuoruhuvvo albmaládje Sámedikkis, oaivvilda son.
- Sámenuorat gávnnadet valáštallan oktavuođas. Valáštallan lea nu ollu eanet go dušše valáštallan, deattuha Paulus Kuoljok.

Fargga válga dás
Nuoraidráđđi lea jagis 2008 ovttasbargan válgalávdegottiin. Boađus das leai ahte eanet go 500 nuora ilmmuhedje iežaset sámi jienastuslohkui. Nuoraidkonferánsa Likšus vuoseha maid ahte nuorat beroštit sámepolitihkas.